水金終於試到台北最好味嘅豬腳飯
就係位於捷運松江南京站附近嘅四平陽光商圈入面一間叫做「富霸王豬腳」美食名店

聽講富霸王豬腳長期排隊,仲要話起碼等一粒鐘喎
如果唔想排長龍就要避開食飯時間來,最好就11am前啦
當日水金下午四點幾先到,至於點解唔使排隊?因為落大雨囉
不過正正遲咗來到,餐牌上部份食物已經沽清啦

參考過幾篇食評都話堂食比外帶好,所以水金當日都決定入去店內坐低慢慢食
富霸王豬腳係採取先門口點餐付款,再入座搵位坐

接過員工遞上嘅點餐紙,冇寫價錢,而且豬腳都分三種:扣、腿節、腳蹄
水金真係唔知點揀好...此時此刻,老闆話「只有腳蹄
咁水金就叫咗腳蹄、魯肉飯同爽口筍絲(小),盛惠NTD 130
NTD 130喺台北唔算平,富霸王唔通係以價格稱王?

比錢之後就拎住點餐紙入去店面,將點餐紙交比工作人員就OK

滿心期待坐低等飯菜送上之際,望到對面位客人件油豆腐好吸引
早知叫油豆腐啦!

爽口筍絲(小)夠晒醒胃,開胃之後一陣可以慢慢食豬腳啦!

 

魯肉飯同金峰一樣咁好食
滷到入晒味嘅豬皮加少少豬肉,一入口
已經feel到

魯肉飯好多滷汁,所以食之前記得撈勻啲
要每粒飯都沾上滷汁先至好食呀!

 

主角到啦!
腳顏色均勻,可見滷得夠時間夠火候
一咬入口即化,筋彈牙而且入味
望落滷汁色水好濃好深色,但係食落隻
腳唔會好鹹,反而有少少甘甜!

水金將少少滷汁撈落魯肉飯一齊食,碗飯更加好味道!
*記得撈少少汁好啦,因為魯肉飯本身已經夠味!XD

富霸王豬腳店內黑黑加藍色燈光,好有情調
之但係...食個咁傳統嘅豬腳麵飯點解要咁有Feel呢?

落大雨嘅黃昏都不斷有人問津,包外賣便當嘅員工冇停過手
堂食嘅座位雖然唔滿,但係張張枱都有客人
如果晴天來嘅話就要預咗排隊同搭枱啦!

總結而言,水金覺得富霸王豬腳真係無得輸!
去台北嘅豬腳愛好者一定要來朝聖一下
不過記住要避開食飯時間同早啲來多啲豬腳選擇

食完豬腳麵飯咁Heavy,就可以行下四平陽光商圈消化一下啦!
四平陽光商圈主要serve附近返工嘅OL,所以店舖都係走成熟風

富霸王豬腳

地址:台北市中山區南京東路二段115巷20號
電話:02 2507 1918
營業時間:11am - 8pm (星期日及每月第二、四週星期一公休)
交通:捷運松江南京站7號出口直行,見到盤谷銀行右轉入內街,第一個路口轉左就見到

文章標籤
創作者介紹

蒲.臺島

蒲.臺島 發表在 痞客邦 PIXNET 留言(0) 人氣()